الأقسام الترفيهية

**لؤلؤة القلب** · الإثنين يوليو 15, 2013 10:11 pm

[size=24]

امورتي الحلوه

امورتى الحلوة بقت طمعة بقت طعمة ولها سحر جديد
لــــــها خـــفة روح لــــما بتـــضحك بـــتروح لبعيد
معذورة يا ناس لو خبيتها م العـــــيد للعيد
لو شفتوا جمالها حتحتاروا .... تحتاروا تحتاروا
والبيض والسمر حيتداروا..... يتداروا يتداروا
والحب هيحصل فيه ازمة وتسعيرته بتزيد
---
علشان ما هي سن سبع تعشر قال يعنى خلاص
تـــزعل ويايا لو ابوســــها قــدام النــــاس
ان قلت حبيبة امها وشـــــــها يحمر
وان قلت اكلك يا بطة تخاصمنى شهر
تطول قد ما تطول تكبر قد ما تكبر
جوا القلب هتفضل زى الاول واكتر
لو شفتوا جمالها حتحتاروا .... تحتاروا تحتاروا
والبيض والسمر حيتداروا..... يتداروا يتداروا
والحب هيحصل فيه ازمة وتسعيرته بتزيد
---
دى حبيبتى ومش حبيبتى دا احنا اخـتين
والفرحة الواحدة منقسمها على ضحكتين
ياما نفسى اشوفها تتمختر فوق جنب الشمس
واكتب على باب السما يافطة ممنوع اللمس
توصل قد ما توصل تكبر قد ما تكبر
القلب الام هيفضل زى الاول واكتر
لو شفتوا جمالها حتحتاروا .... تحتاروا تحتاروا
والبيض والسمر حيتداروا..... يتداروا يتداروا
والحب هيحصل فيه ازمة وتسعيرته بتزيد

كلمات: حسن السيد
ألحان: بليغ حمدي
مقام:
تاريخ: 1970

الموضوع الأصلي : كلمات اغنية امورتي الحلوة المصدر : عالم العرب الكاتب:لؤلؤة القلب